كل اللي بتسأل عنه قبل ما تبدأ

الطريقة بسيطة: تبعت مستنداتك على واتساب (الباسبور وكشف الحساب وخطاب الشغل)، وخلال ٤٨ ساعة بنبعت لك مراجعة مجانية بإيه القوي وإيه اللي محتاج يتظبط. لو حابب تكمل، بنجهّز الملف كامل والفورمات حسب شروط القنصلية، ونحجز لك الموعد، وبيوصلك التأكيد على إيميلك. بعد الحجز بتدفع، وبنجهّزك قبل يوم الموعد وبنفضل معاك لحد القرار.

المراجعة المجانية بتوصلك خلال ٤٨ ساعة من إرسال المستندات. تجهيز الملف كامل بياخد أيام قليلة حسب سرعة وصول الورق منك. المواعيد نفسها بتختلف من قنصلية للتانية ومن موسم للتاني، عشان كده الأفضل تبدأ معانا قبل السفر بـ ٦ لـ ٨ أسابيع على الأقل، وفي الصيف والأعياد أبكر من كده.

أيوه، لازم تروح بنفسك. إحنا بنجهّز الملف ونحجز الموعد بس. إنت اللي بتروح الموعد بنفسك وبتقدّم ملفك وبصمتك، ومش بنروح القنصلية بدالك. قبل الموعد بنقعد معاك ونشرح لك هتقدّم إيه وبأنهي ترتيب وإيه الأسئلة المتوقعة.

الدفع بعد حجز الموعد: إنستاباي أو تحويل بنكي. الدفع بالكارت وفوري قريبًا. يعني مفيش أي مبلغ مطلوب منك قبل ما تشوف تأكيد الحجز على إيميلك.

سعر واحد للفرد: ٦٬٥٠٠ جنيه مصري شامل ١٤٪ ضريبة القيمة المضافة. السعر بيشمل قائمة المستندات الخاصة بقنصليتك، ومراجعة الملف وتقرير مكتوب بنقاط الضعف، وتجهيز الفورمات، وحجز الموعد، وتأمين السفر وإثبات الفندق أو برنامج الرحلة، والدعم لحد القرار. رسوم الفيزا ورسوم المركز وقسط التأمين بتتدفع منفصل للجهة نفسها.

بنضمن لك ملف مكتمل حسب شروط القنصلية وتقرير بنقاط الضعف قبل التقديم. مبنضمنش الفيزا ولا معاد معين، القنصلية هي اللي بتقرر. أي حد بيوعدك بغير كده، خد بالك.

في الأول محتاجين تلات حاجات بس: صورة الباسبور، وكشف حساب بنكي آخر ٣ أو ٦ شهور، وخطاب من الشغل (أو السجل التجاري لو عندك شغل خاص). بعد المراجعة بنبعت لك قائمة كاملة بكل مستند وليه القنصلية بتطلبه.

مستنداتك بتتحفظ في مكان مؤمّن وبتتمسح بعد القرار. عمرنا ما بنطلب باسورد VFS أو كود OTP. مش بنشارك ورقك مع أي حد غير اللي شغال على ملفك، ولو طلبت نمسحه في أي وقت بنمسحه.

بنشرح لك السبب اللي القنصلية كتبته في خطاب الرفض ونقول لك رأينا بصراحة: هل التقديم من جديد منطقي ولا لأ. لو اترفضت الفيزا لسبب مستندات، بنراجع الملف تاني مجانًا. رسوم القنصلية والمركز مش بترجع لأنها بتتدفع للجهة نفسها.

أيوه. ابعت مستندات كل أفراد العيلة في نفس شات واتساب. نفس السعر للفرد، ومنسق واحد بيتابع العيلة كلها بما فيها مستندات الأطفال، وبيرتب حجز الموعد للعيلة كلها.

مش بنروح القنصلية أو مركز التقديم بدالك، ومش بنقدّم الملف عنك، ومش بنستلم الباسبور أو القرار بدالك. مش بنوعد بفيزا ولا بمعاد معين. ومش بنطلب منك أبدًا باسورد VFS أو كود OTP. اللي بنعمله: ملف صح، موعد محجوز، وحد فاهم معاك لحد القرار.

بنجهّز ملفات فيزا الزيارة والسياحة لدول شنغن زي اليونان وإيطاليا، وبنضيف وجهات جديدة باستمرار. كل دولة ليها صفحة فيها قائمة المستندات وأسباب الرفض والرسوم. لو وجهتك مش على الموقع لسه، اسألنا على واتساب.